Foreshadow

Fore-shadowing

我曾經同朋友講過我係一個好注重signal既人. 每每如趕唔到朝早一班車, 我會諗到今天運氣會壞透; 發惡夢, 我會認為係對未來既一種先兆; 甚至我現在打中文成日打錯字, 我都理解為係個天唔想我發言. 先兆, 預示對我來說有很大的意義. 可能係以前讀literature時, 老師常常要我們從一本novel入面找出種種寫作工具如satire呀, irony呀 , oxymoron 等等, 然後加以註釋. 所以foreshadowing不經意地就應用於我生活上. 對於感情既開花, 我既完美邂逅當然係於一個開心嘉年華會(foreshadow)上, 我和她第一次遇上, 眼神四目交投, 我身邊不知怎的有位小丑向我遞上一枝花(signal), 而我將它送贈於她, 然後天上響起教堂鐘聲般的煙花爆散聲(foreshadow), 仿佛為我們的美滿人生祝福.....天呀! 所以係抵我揾唔到女朋友的. 如有一段開始, 一開始時我就覺得不應開始; 約她永遠要因去錯地點而互相尋找一番; 或打電話冇人聽咁啦. e d 全部中囇我之前所講既壞foreshadow.咁e般感情呢, 我應該係會放棄.

以前就會.

而家我覺得, 現實始終不是讀小說. 不能說看完結局後, 發覺原來作者於第二頁已經有d野預知了結局, 然後讚嘆作者之佈局精心. 現實係, 無人得知未來的. 今天的不如意開始未必換來未來的惡果; 好的開頭也不能保證他朝的快樂. foreshadow, 係看完結局後強加於上的一個帽子. 今日的種種, 都是我千千萬萬個可能性的foreshadow. 重要是, 我有無後悔?

我...應該無

我有一首歌, 有句歌詞: So much to do/so much to see/ so what is wrong with taking the back street?/ you never know if you don't go/ you'll never shine if you don't glow...我一直聽, 一直聽, 希望它可為我洗腦...Smashmouth - All Star

檸檬茶自語 (舞女版)

1. 我有一份工作. 我既工作就係於灣仔碼頭內企, 係齌企. 日復日, 夜復夜. 悶? 其實都幾好嫁, 早上可以望d清純學生仔, 晚上亦有蒲精可供視覺享受. 間唔中梗有d外國佳麗既. 喂! 我係不含人造色素, 冇話不含人獸色急喎!

2. 唔好以世俗眼光鄙視我. 其實我以前都風光過.. 以前, 人地一聽見我嗰名呀! 男既會甜在心, 女既會沈溺於佢地既浪漫春夢當中.我嗰名! 見證左幾多愛情呀! 但我叫乜名呢? 唔, 要諗諗. 唔, 太耐啦! 恍忽上個世紀的事..........

3. 我其實, 於灣仔碼頭都算老臣子. 其他工友, 如呀蒸餾水, 呀奶荼... 換完一個又一個. 唯獨我一個屹立不倒. 堅里! 我齌企係度, 又唔使做... 亦有穏定受歡迎程度, 好多人都like like地我嫁. 呀! 諗到, 我叫乜名呢, 我叫嗰個阿邊個嗰個上世紀呢嗰個好似唱歌嗰個叫蘇容康日唱夜唱嫁嗰個好似叫 '邊個都有膀胱'唉..我一早就知...

4. 我格黎嗰件唯它, 好似越黎越紅咁. 車, 我都唔憂做. 我有集體回憶嘛. 膀胱檸檬茶喎. 每日都梗係有人幫襯我, 睇中我, 按我, 高高興興咁買我走. 飲勝! 但其實我想同佢地講, 佢買左嗰個,唔係我, 只係我的副品. 如果唔係, 我都唔會一直係度啦. 係e個自動售賣機入面, 唉, 都三年, 三年, 又三年勒..

5. 我其實好怕聽側田嗰首'好人'. 佢嗰句'人人親近我, 無人爭奪我' 真係食得好應. 每次我見到姊妹, 比人飲, 然後一野揸爛, 或被dump落海. 我見到佢地, 反而有點羨慕. 起碼走得luck. 十八年後又一條... 我就十年都係係度...

6. 我有一個剖白: 我其實冇料到嫁. 我係無檸檬茶嫁, 得個空殼. 做個版咁.

7. 點解, 點解我係咁?..

8. 我格黎嗰件唯它, 正白痴. 成日話比人飲, 比人插, 唔好喎. 我就話, 比人飲, 比人插, 至少開心過丫. 及時行樂嘛.

9. 我都唔知d人諗黎諗去, 揀黎揀去都揀唔落手. 我好貴咩? 鐘意我就要我, 唔鐘意就彈開啦, 阻Q住曬.

10. (我永遠都唔知原來我值六蚊)